| وسام
العكيلي
الحي/ الكوت
ما غشــــــــك بعــــــد وقــــــرالك الفنجـــان واغــش روحــي
واطارد خيــط من دخـــان
وابنيلك وطن ساســـه الســماء اتصـــــــــير واســوي الغيــم شـاش
الجرحــــك التعبان
واكض خيط الشمس وانصب مشانق مـــــوت للــــباعـــوا وطنـــهــم
سلــــع للـجيـــران
للسوه گصــــيبة دجله صـــوط ارهـــــــــاب وجلد وچه الفــرات وعطــش
النهـــــران
شفـــت سدية مريضـــي انباگت بنـص لــيـل واسعـــــــاف الطـــوارئ
صبحـــت بايران
گلـــــت حيطــــان تبقـــه اوولدك اليبــــــــنوك اجو ولـــدك عليــك
وشـــــالوا الحيطـــان
من حلگك شلـــتهه اللگمة وكـــــــــت العوز تالــي الليـــــل
بــيهــه ادگدگ البــيــــبان
ابن جارك شـــبع وبــنك علـــيك ايلـــــــــوج عشيت العـــــرب
كلـــهه ونمت جوعـــان
واول ما طحـــت داســــت عليـــك الخــــــــيل مثــل موجــة جـــراد
وداســـت ابســــتـان
طحت اعله الأرض والأرض ضـــــاگت بيـك خافــــــت لا تگــوم وتنــفجر
بـــــركــان
حگهه الگـــــاع غـــارت لايجــيك المــــوت فتحتــلك گلبهــه
ورحـــــت بالأحضـــــان
منو مثلك وطــــن لابـــــس چـــفن يعـــــراق شافـــوا ظلــه گـــالوا
مو جفن جنــــحان
مرســم للمنـــايه ابكــــل شبر عـــالــگـــــاع لوحات الشــهادة
بأرخــص الأثمــــــان !
طب واختار موتـــــــك حســــب ما تخـــــــتار لايخلــــص المــوت
ويــــزعل الدفــــــان
اجانــــي من المــــدائــن دجله يلطـــــم روج شايفلك نهر يلـــطم
علـــه الغــــــــــرگان
يوميه اعـــله دجلـــه انطـــر مرد الـــــروس اجتني بلايه روس امطوفه
بـس قمصان
تــــذبــــــح ولــــدنـــــه بيــا ذنــب ســـــووه ليش الـمـــوت
بالشــارع علـچ بطــران
للحــــره الشريفة الـــــماتت مـــــن الخــوف چي شافت حلگهه ايبوسه
ظــل انســـان
مــــاتــت لأن رفضت بيــــن نـــاس اجنـــاب تنزع ثوب مكــــه وتلبــس
الســــــودان
سلاماُ عالمـــــسيب مــــن گــــلب ولســــان صعد دمهم منـــــاره
وصاح بيهه اوذان
من شافو شمســــهم صرخ بيهـــه الخـــوف اطوني الــگمــر خافــوا
علـــــــيه ينهان
امس حنــة القــاســـم طـشراهـــــه المــــوت والحله الشريفه اطــش
جـــثث شبــــــان
گاومنــه المـــلك ما عفــنه دمنـــه ايضـــــيع فصــل دمـــنه
سفـــاره انصبت بعــــمان
ابشـــرك رد يـــزيد وحـــكم برض الشــــــام عيـــــن چم امير وذبــح
چــــم عطشــان
گطع نحـــرك بديـــك وعرك وچــــه الســيف من شاف ويه نحــرك ينــــزف
القــرأن
ســــكــــران الأمــــير اتــوهـــم ابــغــــــــداد لو عنده شرف چا
حــرر الجــــــــــولان
غرگ دجــله ابجـبـيـنــك مـن خـذاك المــوت وركع جـــسر الأيمـــــه
وقدمــــك قربان
گوم ابعينــــي اوگف ولــو لحضه وشـــــوف اجت شالت جثثـــنه اجبــال
كردستــــــان
الف مــــوته امــــوت ولا اشـــوفـــك يــــــوم بين المطرقه
محـــــــطـوط والســـــندان
دنهــض يـــا وطـــن ودفــــن جثث موتـــــاك مــــو انته علــــي
والمـــاتـلـــك سلمان
مــو تاهـــــت عگـــب عينك سفيـــنة نـــــوح حشــاك اتعـوف شعبك
ياخــذه الطوفان
بس اهــــل الــعـــراق اتكـــول كـــــلمــــة اخ لأن غــيرة زلمـهم
تنبـــض ابشــــعـلان
دنــيانـــــــــه زلـيــخـــه اتريـــد منــك ثــــــار اجت تنشد
علينه ابســــــجن الأمريكــان
جابت بس قميــــص اليوســـف المضلـــــوم لكت مليــــون يوسـف بالسجن
عريـان
طبــــع بالغيـــره تنـــتل گصــــة المهــــــيوب لهذا اتشوفه دوم
ايرخـــص الذرعـــان
وحـــــــگ دم الحســـين وغيــــرة العــــباس وحك دم الشبــاب النزف
بالكــــــــوفان
لــو احــــرار نبــــقه ومــا نطـــخ الـــــروس لو نلبـــــس شــيل
ونگابل النــــــسوان |