چی
ؤهرهنه جهمیؤ
پهرسیاری که
ریزوار ریژین (پهیامکیانهو
کوردستان نوی)
کهردینی ئۆ سیامهند
هۆرامی، چهنی
جوابهکاشا
مهیا- پهلیانهو
هۆرامانی
ریزوار
ریژینه، سڵام
دهست
وهش بو پهی
زامهتیؤی که
پهی هۆرامانی
دانتهنه ؤهروو
ویت ، نهمانیهی
و سهرکۆتی بی!.
سهروو پرسیارهکات.
من دهقوو پرسیارهکات
منؤیسوۆ و به
ریز جوابشا
مدهوۆ.
ریژین:
شمه چهنی تهماشهو
دروس بیهو
حزبیؤی هۆرامی
جه
کوردستانهنه
کهردی؟
سیامهند:
ههر حزبیؤ که
بتاؤو به بهرنامه
و به کردهؤه
گنونه ڕاساو
ؤهرۆ بهردهی
دیموکراسی و پاریزنای
بهرژهوهندی
مهردموو
کوردستانی ئیمه
به خاسش منیهیمیره.
ریژین:
دروس بیهو
حزبوو هۆرامانی
چی باروو دۆخهنه
چهنی ؤیندی؟
سیامهند:
گردما مزانمی
کوردستان
ئارو ئینا بار
و دوخیؤی تایبهتیهنه.
پاسه که میژوو
مرمانو،
کوردستان کهمتهر
وهختیؤهنه
وهزعهی پیسنیشه
به ویشۆ دیینه.
کوردستان ئارو سهره
راو گرد
کهم و کورییؤی،
دهنگوو دیموکراسیش
جه گرد یاگیؤتهروو
خاؤهر میانهی بهرزتهرهنه.
دیموکراسیچ چیؤیؤا
که بهر دهوام
مشیوههرمانهش
پهنه کریو
پهرهش پهنه
دریو ئهندا
ملو و فۆتیو.
ئازادی حزبا یو
جه بنهما
بنهرهتیهکا
دیموکراسیا و
حزب ئهره نیای
یانی پراکتیزه
کهردهی دیموکراسی.
ئارو جه کومهڵگا
دیموکراسیهکانه
چند حزبی تهبلیغ
کریو و به
جددی ههرمانهش
پهی کریو. جا
من ئجوم حزب
وهش کهردهی،
به مهرجیؤ، حزبیؤی
جددی
بو، به بهرنامه
وبه کردهؤه
چهنی مهردمی
و ڕاو مهردمیهنه
بو جه بار و
دوخوو ئارو
کوردستانیهنه
ئینا یاگی ویشهنه.
ریژین:
شمه چ زانیارییؤتا
ههن سهروو ئی
حزبه تازهیه؟
تکایه به ئیمهش
یاؤندی!
سیامهند:
راسهکیش ئیمه
زانیارییؤی
فرهما سهروو
ئی حزبیه نیا.
من جه ئینترنیتهنه
و به تهلهفوون
جه پیدا بیهی
ئی حزبیه
ئاگادار بیا.
شهؤیوهیچ
جه یانهو پاڵتاڵکی
هۆرامانیهنه
گوشم جه قسهو
باسوو بهریز
شیخ عهبدولرهحمانی
بی. جاریؤ
ئاگایی ئیمه
چا حزبیه ههر
ئینا چی ڕادهنه
و ؤهس.
ڕیژین:
ئایا جه بنهڕهتهنه
شمه دژ به
دروس بیهو
حزبی هۆرامیهندی؟
یان پهنهتا
خاسا که حزبی
هۆرامی پهی
خزمهتوو مهسهلی
نهتهؤایهتی
کوردی مهرزیوره؟
سیامهند:
نهخێر ئیمه
دژ به حزبی هۆرامی
نیهنمی و ئهساسهن
دژ به ئهرهمهرزنای
حزبا نیهنمی.
حزب یانی جهمۆ
بیهی جهمیؤ
جه مهردمی.
جهمۆ بیهی
مهردمی خراب
نیا. خرابه
وهختیؤ ویش نیشانه
مدو که ئا جهمه
به ؤاته، نؤیسهی
و یا به
ههرمانه،
خرابیؤ کهرا.
یانی خاسهو
خرابی حزبهکا،
بهرنامه و
کرداروو حزبهکا
دیاریش کهرو.
پهیش
ههن جه کومهڵگێؤی
دیموکراتیکهنه
کهس یا کهسانیؤ
گهرهکشا بو
جه وهزعیؤی
دیاریی کهڵکهی
خرابه هور گیرا
و بهرژهوهندی
ویشا ؤزا وهڵی
بهرژهؤهندی
مهردمی. بهڵام ئا کهج ڕهؤیی
به هیچ لێؤ
مهیاؤا. دیموکراسی
ههر ویش میاؤو
فریای ویشۆ و
دهردهکا ویش
دهرمان کهرو.
جه کومهڵگای
دیموکراتیکهنه
ؤهراؤهروو
ههر لاریؤیۆ
سهدان ڕاسی ئینێ
میدانهنه.
ئهری
من مهرهجیوم
پراکتیزه کهردهی
دیموکراسی ئینا
خزمهتوو مهسهلی
کوردیهنه و
گردما مشیو ئینهما
ؤهروو چهماؤه
بو و ههرمانهش
پهی کهرمی.
حزبی هۆرامانیچ ئهگهر
بهرنامی و ههرمانهشا
گنانه
گوزاروو دیموکراسی،
متاؤا یاردی
دهری ئی پڕوسهیه
با. حزبی سیاسی
زهمانیؤهنه
وهش بو، که
جهمیؤ جه مهردمی
بریؤ ههرمانی
نهکریێ و ئهره
کۆتی جه کومهڵگانه
ؤینا و به
ئاؤهزوو ویشا
گنا ؤیروو چارهسهری.
ئارو گردما
مزانمی هۆرامانهنه ههرمانی
فری سهروو دهساؤه
مهنینیؤه و
نهکریێنی، ئینهیچه
ئا زهمینهیه وهش کهرو
که حزبیش سهرۆ
وهشی با.
ڕیژینه:
ئهگهر سهروکوو
حزبی نامی بریای
چند دهلیلیش
با پهی ئهرهمهرزناو
ئی حزبیه، ئایا
شمه وهڵامتا
چیشا پهیشا؟
سیامهند:
ئیمه تهلاش
کهرمی تا پهشتی
به دیموکراسی
بینمی. جوابوو
ئیمه جوابیؤی
دیموکراسیانهن.
دیموکراسی به
روشنی ماچو:
ههر کهسی پهیش
ههن حزبوو پهسهندوو
ویش مهرزنوره
و یا بو به ئهندامو
ههر حزبیؤی
که لاشۆ پهسهندا.
دیموکراسی ههر
پاسه که
پرنسیپهکاش
مرمانو، ڕاو
ؤهر گیری جه
پاشیل کهردهیچشا
نیشانه مدو.
ئی شاره
ئورووپاییه
که ئیمهش چهنه
مژیؤمی به دهیان
حزبیش چهنهنی، بڕیؤیچشا
نه به بهرنامه
و نه به قسی خاسی نیهنی
و خاس مهؤاچا،
بهڵام تا زهمانیؤ
که جه چوار
چیؤهو پرنسیبه
دیموکراتیهکانه
نهزیاؤه،
کهس به فیزیکی
دهس نمارونه
ڕاشا. سهرشا
منؤیسا و ؤهراؤهرشاؤه
تهبلیغ کهرا
و ریخنیشا ؤهنه
گیرا، وهلی
ههرگیز مهؤاچا
مافوو حزب وهش
کهردهیشا نیا.
دیموکراسی یانی
ئازادی حزبا.
جه ههمان
کاتیچهنه یاسێ
مهدهنیی ههنی
وههر کهسی ؤهراؤهروو
ههرمانا ویشۆ
ؤهر پهرس منیاره.
سوخهنداروو
ئهنجمهنوو
فهرههنگی هۆرامانی
- یوتوبوری (سوید)
سیامهند
هۆرامی
2007-11-03
More on
false and
and also
calibri
File
uploaded by
Go FTP FREE