گله‌یی جه روژنامه‌‌و هاووڵاتی

وه ختێ كه ملوو سایته كوردیه‌كا جه ئه‌نته‌رنێته‌نه وه‌ڵێ گردینه  سه‌رداو هاووڵاتی كه‌روو چون به فێكرو  من رۆژنامێ  سه‌ربه خۆ و ئازادا و هه‌میشه باسم جه ئازایه‌تی و ڕاسگۆیی هاووڵاتی كه‌رده‌ن و باسم چانه‌ی  كه‌رده‌ن كه به بی جیاوازی فكره‌و سیاسی و ناوچه‌ئی بابه‌تیش وه‌ڵێ كه‌ردینێ.

ئانه‌ بی تا ماوێ چێوه‌ڵ كۆمه‌ڵێ جه  هه‌ورامیه‌كا به‌روو  وڵاتی نامیوشا كیانا په‌ی

په‌رله‌مانی  و داواو به ڕه‌سمی ئه‌شناسای  زوانوو هۆرامیشا جه ده ستووروو هه‌میشه‌یی كوردستانینه  كه رد.  ئی نامه  جه‌ فره‌و ڕۆژنامه‌كا وسایته كوردیه‌كانه‌ كه  په‌‌یشا كیانیابێ وه‌ڵا كریاوه  وه هاووڵاتی یو بی  چا ڕۆژناما كه‌ ئی نامه‌شه‌ په‌ی كیانیابی، به ڵام به‌داخۆ كه ئا نامه‌شه‌ وه‌ڵا نه‌كه ردۆ و هه‌رپاسه‌  دوی دیمانی  ئا برا  وه‌شه ویسایچشه كه ئینێ  په‌شته و ئا نامه‌یۆ وه‌ڵا نه‌كه‌ردۆ؟. که‌چی جه  هه‌مان وه‌خته‌نه بابه‌تێ جه‌(موحسین جوامێر) یش كه  به‌شێوێ دما كۆتانه نویسته بی  وه‌ڵا كه‌ردۆ. من گه‌ره‌كم نیا چیگه‌نه‌  بلوو  سه‌روو بابه‌توو ئا نامه‌‌یه‌ چوون  یاگیوته‌ره‌نه‌ و  به  شیوێ  بازاریانه جوابوو موحسینیم دانۆ.

ئیسه‌ ئی په‌رسیمه‌ په‌ی ئامێنه‌ وه‌رۆ  که‌ ئه‌گه‌ر هاووڵاتی ڕۆژنامێ ئازاد و سه‌ر به‌خۆن و به بی  جیاوازی  بابه‌ته‌كاش وه‌ڵا  كه‌روؤه، چی  نامه‌و  هۆرامیه‌كاش وه‌ڵا  نه‌كه‌ردۆ؟

ئی پرسیاری  جیامازوو په‌ ی هاووڵاتی  و  رۆشنبیرا  هۆرامانی و كوردستانی  كه جوابش بداوه.

من چێنه پاسه په‌یش  ملوو  که‌ ئی  ماوه  به  هه‌ڵه  جه  هاووڵاتی یاوانانه.   ئه‌گه‌ر پاسه بو یاگی داخینه‌ و ئه‌گه‌ریچ  پاسه نیا داوا که‌روو كه ڕۆژنامه و هاووڵاتی  ئینه‌یه‌ ڕوشن که‌روؤه‌  په‌ی  وانه‌ره كا وێش و رۆشنبیرا هۆرامانی.

جه  ئاخرۆ  ماچوو  هیواداره‌نا  ئانه كه  من په‌یش لوانا  پاسه نه‌بو  و هاووڵاتی ئانه بو  كه من   وه‌ڵته ر په‌یش  لوانا.

چه‌نی   ڕیزیم  په‌ی  گردوو  هامكارا   ڕۆژنامه و هاووڵاتی.

 

زه‌رده شت هۆرامی

11/11/2006

به ریتانیا