پهلیانهو هۆرامانی ههڕهشا ترکیهی به لهشکهرکهشی پهی سهروو کوردستانی مهحکووم کهرو

خهباتکارا ڕاو ئازادی و دیموکراسی

هام وهڵاتیه وهشهؤیسا

ههر پاسه ئاگاداریندی، ئینه ماؤیؤا ترکیه بازاروو ههڕهشاش پهی سهروو کوردستانی و به بههانی نابوود کهردهی پارتوو کریکارا کوردستانی گهرم کهردهن. حکوومهتی ترکیهی دلی ئا حکوومهتانه که پهشتی به جهنایهتی ؤیهردهیاشا بینا و شانازیشا پۆ کهرا یاگی بهرجهستیشا ههنه. دهسهڵات داری ئی کشوهریه ویشا به وارسا چهنگیزی و تهیموری و عوسمانی منیاره و تهلاش کهرا تا مهردمهکهیشا دۆروو بهروو ئا باؤهڕانه گلیری کهراؤه. بهڵام پیشرهفتوو زانستی و تکنیکی به ڕادیؤی فره ئاؤیش کهردینهنه چیروو ئی پهی لؤایا. مهردم یاؤانهنه که ئی شوعاری نه کوگێؤه مهرزناره و نه لهمیؤه تیره کهرا. پهیامهدی ئی وهزعی کاریؤشا کهردهن تا حکوومهتی ترکیهی به پهله گنا فکروو ئانهیه که جه یهکیهتی ئورووپایهنه یاگیؤه پهی کشوهرهکهیشا کهراؤه، تا بهش چاگۆ دهسگروییؤ کریا. چهنی ئینهیچه وهام کات گرد پیچیؤ مدا ؤهنه تا به تهمامی تیشه نهدا ئۆ ڕیشهو ئا شوعارا که ئانا ئادیش یاؤنێنی پهنه. دیارا که ئورووپاییچ نانشا به گوشی نهژاؤان و چی میدانهنه ههر تاؤه چهکوشیؤشا مدا ؤهنه و ڕهنگیؤیشا مرمانا. مهسهلی پاشیل کهردهی دیموکراسی و مافوو میللهتوو کوردیشا، ههر زوۆن ؤهنه ڕاس کهردینێ. سهروو ئینهیه ئینده ئی بهره و ئۆ بهرهشا پهنه کهردینی ئاؤهروو هیچ مهجلسیؤیشا پۆ ناستینی. تازهیچ به گهرمی قهتڵ عاموو یهک ملیون و نیم ئهرمهنیا به دهسوو عوسمانیاشا جه ساڵهو 1915یهنه ؤهنه زیندی کهردینێ. به جوریؤ که کهتمانوو ئی جنوسایدیه جه فهرانسهنه جهریمهش پهی دیاری کریان. ئانا چی ڕؤایچهنه کونگرهو نمایهندهگا ئهمریکای، ئهمریکێؤ که ساڵهها پهشتیؤانوو ترکیهی بیهن و گرد عهیبیؤش پهی یپینه کهردهن، ئا جهنایهتشه به جنوساید دا قهڵهم. جا ترکیهی به پهڕو کریا و جه گرد یاگیؤی بڕیا، سهر ؤهنه شیؤیا ئینا شونهو ئانهیۆ تا به ههر جوریؤ بیهن، به خهیاڵوو ویش، لانی کهم بهشیؤ جه ئاؤهڕووی شیهیش باروؤه. پهی ئینهیچه لهشکهر کهشی پهی سهروو ماڵ و حاڵوو مهردموو کوردستانیش ؤسهنهنه دهستووروو کاریش و ههڕهشیش کهرو.ههرچند گردما مزانمی که سهرهنجاموو جهنگوو دهسهڵاتا چهنی میللهتا ههر فرهو وهختا به پیروزی میللهتهکا تهمامیان و تهمامیو، بهڵام دیارا دهسشانای دهسهڵاتیؤی سهرؤهنه شیؤیای پیسه ترکی، جه کوردستانوو ئارویهنه متاؤو زیان بهخش بو. پی بونۆ پهلیانهو هۆرامانی دهنگوو ویش ؤزونه پاڵوو دهنگوو خهباتکارا ڕاو ئازادی و دیموکراسی و ئی ههڕهشا ترکیهیه به سهختی مهحکووم کهرو.

پهلیانهو هۆرامانی

2007-10-27