پهیمانهو ساڵی تازی فیرگه و کهڵاسوو زوانی هۆرامی

یادگیری و فیربیهی زوانی هۆرامی، کهڵاس یا فیرگهش یانهن و مامؤسێش ئهدا و تاتهی وهشهویس و دهسیارهکیچش واڵه و برای گۆرهتهرینی.

پهی وهرۆ بهردهی ئی ههرمانه پیرؤزی پیویستیما به دوی چیوا ههن، یوهم ئهشؤ فیرگهکهنه (یانهنه) به هۆرامی گؤ کریؤ.

دوهم کات ئاژین کریؤ پهی وانهرهکا تا به تیر و تهسهلی زوانی ئهدایی فیری با.

پهی نموونهی ئهگهر ویسووچوار کاتژماری جه ژیوای زارؤڵیوی جه یؤ جه شارهگۆرهکا کوردستانوو باشووریهنه وزمی وهروو چهما، ههر جه ساعبی زوۆ که هؤرزؤ ، شؤنهو نان واردهی ساعبیهره ملؤ پهی مهدرهسهی و جاگه به سؤرانی و جه پاڵشهنه به کرمانجی موانؤ. ئانهیچما ویر بؤ که جه بڕیو جه شارهکانه عهرهبیچ زوانی رهسمیا، ههرپاسه که جه ئیرانهنه فارسی و جه ترکیهنه ترکی..

مهدرهسه چوار تا شش کاتژماری بهرؤ، کهی کهردهی چهنی ههمتهمهنا جه بهرۆ دوی کاتژماری بهرؤ که پهیش ههن ئا ههمتهمهنیچه زوانیوتهرشا بؤ.

با واچمی ئیسه ئیتر شهوهنه و زاڕؤڵی نانشا واردهن و دهرسوو سهوایچشا که به زوانیوتهرا وانانۆ و کاتوو تهلهوزیؤن تهماشاکهردهیشا یاوان، چوار کاتژماری فره تا کهم چهمیشا وڕی با شیشی تهلهوزیؤنهکهیهره و بڕیویچشا ههر چاگه وهرمشا گنؤ پؤره. زوانوو کاناڵه تهلهوزیؤنهکایچ تا نهوهد و دوی دهرسهدی زوانیتهرینی ، سؤرانی، کرماجی، فارسی، عربی، ترکی و یا.......

سهوایچ دیسان ههر پاسه و به ههمان شیوه ملؤ وهرۆ.

دهیسا با چی سهروو ساڵی تازینه چهنی ویما پهیمانه بینمی که زاڕؤڵهکاما فیروو زمانی هۆرامی کهرمی و پتهوتهر بنهممی ئۆ ئی ههرمانی.

هاوار نهقشبهند

2007-03-24