گێل بهبهم گێل

پاسه پیرهکیما گیڵنینێ، زهمانوو زووی هۆرامیهکی وهزی، تفی، ههنگووری،....، ههناریشا بهکارڤان تانزیکو بهغداچ یاڤنێنی. چۆسهریچۆ، خهله، قهند، چای،....، کووتاڵشا ئاردهن. جاریڤشۆ هۆرامییڤ بارهکێش میاڤنو کهرکووک. ڤهڵی ئانهیه بیاڤو بازار و ڤرهته و ئهسای و نرخو ڕوی بزانو، تووشو بازرگانیڤی تورکی مێڤ. تورکهکه به تورکی چڕوش و ئیشارهتش بهدهس پێ کهرو و ماچو:( گێل گێل )که یانی بو باوکم بو. هۆرامیهکه ههرچنده تورکی هیچ مهیاڤونه، بهڵام بهئیشارهتوو کابرایهنه میاڤونه که چڕاش چڕو. هۆرامیهکه ملو پێ لا کابرای. دمای وهشی تشی، ههرچوومنهبو کابرای تورک بارهكێش فره به ههرزان مسانو، یا ڕاستهرڤاچمی خهڵهتنوش. کابرای هۆرامی که دمای بار ڤرهتهی ملو بازارهنه چیڤ پسانو،چا میاڤونه کهکابرای تورکی دهس بڕیهن. ساڵی ئاینده کابرای هۆرامی بارهکێش بهروڤه پێ کهرکووکی و پاسه مێڤهرۆ دووباره کابرای تورک تووشش بوڤه و چڕوش و ماچو گێ بهبهم گێ. هۆرامیهکێچ ههم بهئیشاره و ههم به قسی ماچو : نانا با ههر یهک جار گیل نابووت [ هۆرامیهکه ئهجوش، گێل یانی گێلنای. بارهکێش بهرو پێ بازاری و چا بارهکێش ڤرهشو. هیڤادارهنا مهردموو ئارویچ، بهتایبهت سیاسهت مهدارهکیما، کهسانیڤ یان لایهنیڤی سیاسی نهتاڤو چن جاریڤ گیلنوشا یان هورشا خهڵهتنو.

070307 ئوسمان ئیسماعیل بهکر