لای لای

لای لای ڕوڵه لای لای لای گوڵم لای

خونچهی ئارهزوو ڕوشنای دڵم لای

ئازیزم تاؤێ بازه گڕ و گاڵ

با نیشم نه زین وهش تاز خهیاڵ

روو بنیهیم نهرووی زید ههورامان

پهی جو بیم نه شون مهرههم زامان

کهسم با بشم بهو ئاتهشگاؤه

پهلێ جه داخان بدهیم وه لاؤه

جهو بهرز بهرزان سهر توپ شاهو

سهفای سهربهرزی پهرسم جه شهو بو

وه بوی ههوای وهش شنهی چهمهی بڵ

تازه کهرمیؤه مهیل کونهی دڵ

نه پای قهڵوهزهی تافان سیروان

گوش بدهیم وه سوز ناز ئهرخهوان

ئهوجا روو بنیهیم وه ماوای چراخ

بوانم نامهی مهحزوونی پهرداخ

بشم وه ژیوار ههردهکهی ئاوات

بشنهوم داخ دیؤانهی نیشات

نه دهور داڵانی ههؤارگهی دڵان

گوش دارم نه ساز گروی بڵبڵان

بشم نهو شهمشی سهر چهمهی چهمان

پهرسم ئهو کو شی سیای سوی خهمان

سیامهند

2006-07-23