hawar_naqshband@hotmail.com        

 

هه‌ڵه‌بجه‌ی شه‌هید

 

،، ئاساته هه له بجه‌ی شه هید بی ،،
كناچیوه دووكه‌ لاویه....
په رچه می په ریشان ولوول واردیش
په‌ی سه‌ره‌یش ماری بی گیانی ،،
زه‌رده خه‌نه‌كه‌ش ، جه چه‌مه جوانه‌كا‌شه نه‌به‌سیا بی
تاتیو ....
كورپه‌كه‌ش ،، شارده‌نۆ ، تو دڵیشه‌نه و ،،
خیابانه‌كه‌ش ، گیرته‌ن باوه‌شیۆ.......
هۆره‌کی،
هه‌ناسه‌شا نیره وار ،،
وه‌ره‌تاو ........
هه‌رسی كووچه و كوڵانی سڕی
ئاسمان به‌رز و زه‌مین سه‌خت بی
ئاساته‌كه هه‌له‌بجه‌ی شه‌هید بی
گوشوو دنیای كه‌ڕ بیه‌بێ
تكنولوجی ، سه‌م پاشی
قانوون به پینووسی ژه‌هراوی گیان كیشی
كتیبوو فرستاده‌كانه ، ئایه‌ته‌و هه‌ناسیوی نه‌بی
ئه‌ی شه‌هیدا سه‌رتا‌سه‌روو كوردستانی !
كام ویژدانی وته‌تا په‌ی های كه‌روۆ ،،
كام ده‌نگی كپتا په‌ی وه‌رده‌و ،،
كام چه‌میتا  په‌ی چڵاكنوۆ ،،
من مزانوو
من مزانوو
من مزانو
كاوه‌تره چه‌رمه‌كێ پیكاسوی،،
په‌رواز مده‌و په‌یتا.....
من هاواره‌نا په‌ی شمه
هاوار نه‌قشبه‌ند

 

 

 

کتیبیڤا و...

نریان تاقۆ

چوون......

به‌رگه‌که‌ش هورئامان

 

هاوار نه‌قشبه‌ند

 

 

جه‌ داخه‌و تاریکیه‌نه‌

په‌رتووکیڤ ویش سوچنا

کاتێ روشنای هایش بیۆ....

خرابی هورپڕووزیا بی و.....

تاریکی ویش شارده‌ بیڤه‌

 

هاوار ناقشبه‌ند

 

شاهو ڤه‌رڤه‌ش تاڤناڤه‌

چه‌نی هه‌راڵه‌بره‌می زه‌ماونده‌ش که‌رده‌

هه‌راڵه‌بره‌می..

دڤه‌گیانه‌ کۆته‌..

جه‌ چوار پارچه‌و کوردستانیه‌نه....چوار په‌ڕیش بیی و

جه‌ هۆرامانۆ شوتش دا به‌ گردیشا

 

هاوار نه‌قشبه‌ند

18012007

 

 

وه‌شه‌ویسی

 

وه‌شه‌ویسی بی به‌ هۆر

ویش دا ئاسمانوو هۆرامانی

وه‌شه‌ویسی بی به‌ واران

وارا، تکیانه‌ یانه‌و مۆله‌وی

وه‌شه‌وه‌سی بی به‌ ته‌وه‌نی په‌ی پیشالیاری

وه‌شه‌ویسی بی به‌ تاق په‌ی کتیبه‌کا سه‌راجه‌دینی

وه‌شه‌ویسی بی به‌ ئایر په‌ی ئایرگاو زه‌رده‌شتی

وه‌شه‌ویسی بی به‌ سیاوچه‌مانه‌ په‌ی ئه‌ویستای

 

هاوار نه‌قشبه‌ند

 

فه‌رهه‌نگ

 

فه‌رهه‌نگ وه‌نه‌نیوه‌نه‌ ...... که‌ میژووی به‌سینه‌ به‌ ویشۆ

ئه‌گه‌ر ......

فه‌رهه‌نگ وه‌روه‌ بیێ..

په‌نا ئۆ یانه‌و فه‌ره‌نجی به‌ری

ئه‌گه‌ر.......

خه‌رمان بیێ هه‌ماروو شه‌نینه‌ ڕؤ که‌ریوه‌

ئه‌گه‌ر .......

دار بیێ بی به‌ چه‌مچه‌ و په‌نا ئۆ هه‌جیجی به‌ری

ئه‌گه‌ر...............

ئه‌گه‌ر شؤنه‌و فه‌رهه‌نگیه‌ره‌ گیڵی...............................

لوه‌ په‌ی یانه‌و پیرشالیاری

فه‌رهه‌نگ...... هیله‌ساوا...........................................

که‌ بیه‌ن به‌ بازنه‌و ده‌سوو کناچی هۆرامانی

فه‌رهه‌نگ

فه‌رهه‌نگ شناسنامیوا که‌ ئه‌هوورامه‌زدای دان به‌ هۆرامانی

                                                                 

هاوار نه‌قشبه‌ند

 

More on: urldefaultvml and behavior
Site Powered by GoFTP FREE Version