پهی ههڵهبجهی

وههارو موزهخانیوی

وههاربی...قاقبه قاقو ژهرهژابی

هاژهو دهرهیی و کوابی.

رهنگهو ئاڵو واڵهوگوڵه چهقالاو، مروو و شیڵانابی...

چرو سؤزبی...

دارو دهوهن گردش سؤزبی..

دهگایچهنه، گاڵه گاڵو سابیرو حهمهقالهی و سهروهت و لالو حهسهنی فره فره وهشبی.

دهنگی وهشو مام فهتهیو ، گوڵهخانیو کاک عۆمهری بی...

قریوهو کریکاره دهسلهپ زبرو دلی میوهو لانساروقهدپاڵابی..

دووکهڵو شوخوشهنگ و قهدباریکاو باڵابهرزاو دلی باخابی..

ئاسمانیوی هؤروسابی..

قوپیی بهرزی و کڵاوهچهرمی دیمهنشابی..

زیرهو ههنگیو ههچه ههچو دمای عهسراو ئؤلاو دهگێ و مام عهزهی بی.

فره چیویتهری وهشتهری تیکهڵ و سیمفؤنیاو سرووشتی بی...

جهلاو ویما... جه هؤرامان..

ئینیشاگرد کهرو باقه به ناسکترین پهتهو سوز و تاسهو دووری ئؤدیمو سهرحهدهکا بهسوشو،

بهههستیوی فره ناسک سهرو مهزاریتاوه منیهوشهره.

* * *

ئازیزهکام!

ئهی ئانیشا ههرگیز هرگیز ویرم مهشدێ،

چا روؤن نیهنا چهنیتا... خورشیدیخاوهر ساحبهنه فره دیر هورمێ

ههسارهکی شهوییچ چهمی منهنی فره کز گرا.

ههرچن گمیندی چهنهمؤ... سهرزهمینی پانو زلی هورنهگرتیدی

بهڵام که گیڵانێ باوشهو ئهدێم... ئؤ هؤرامان

ئهری .. ئهری

که ئامانێ بنهو کهشا..

دلی ژهرهژا... بنهو وهزا!

چوون تا مهردهی عاشقشانا...

عهشقو کوا هنو وهروی

هنو وهزا.. هنو چنوورو بهرهزای

ئاوهخته بهرزتهرین کو...پیرتهرین دارو وهزی... زهریفتهرین گوڵو کهشی

کهرو نامی گردیتاوه.

* * *

من ههرمهوه....

مهوه لاتا ، ئهگهر گهز گهز ئاسمانم پهی کونکریت کهرا

وهنهم تهنا

ئهگهر سهرحهدهکا گردی مینریژکهرا

مهوه لاتا

ئاوهخته سهرهم منیهو سهرو خاکیؤو سهروسینهوگردیتاوه.

جه ههرسهو گهرمهو چهمامؤ سڵامتا وهنه... من ههرچیگؤ (ئهی ههڵهبجه)...

چی پهنجهره مژاویهوه، چی دووکهڵستانهوه سهرنج مدهو

من ههر چیگؤ جه سهرچاوهو روحیوی بی دهنگیؤ بنهماو شیعریم پهی نویستهنی

پی تهمینه چهمچه مهبروش

کڵاشو فهرهنجیت کهروهنه عهشقی سوورت زینهکهرو...

پی تهمینه مهوه لاتا ...

خهمتا نهبوو

رابهرکهرو .. پسهجارا

گیره خاستهر وینوتاوه.

ملمێ بهموو.. ئؤ باڵانبو

ملمێ کویسان ... ملمێ شاهو

ئؤ هؤرامان...

چیرو سهیهو نهریویهنه.. سهیهی کهره

پسه دوی ئاسکا

یان باڵدارا.. تهژنه تهژنه

فره فره تهژنه

چهم پر ههرسی شادی بیمئ

* * *

ههرویرمهنی.. پسه شنروی...پسه شرامی

ویردهو سهروزوانیمهنی پسهو حاجی

پسهو خانی

عهشقو وهشهویسیمهنی پسه مؤلهوی و بیسارانی

توم ههر ویرا...

جه گردی خاستهر

پسهو وشهو هؤرامانی.

* * *

بهڵام ئازیز!

من مهزانوو

چی پاییزو وههاریهنه دمایین مهنزڵهت بهردهن ئؤ کو

ئؤ کام ههوار

هؤ برینه نهسرؤتهکهم

چی وهختهنه...

چی ئێرو فهرتهنهنه....

ئینای کام هؤبهو عشقیهنه....

ئیسه ئینای دهورو کام ئێری سووریهنه... مهنهنیهره تهربیهنی و ههڵمیت هورزو.

* * *

پا گردو مانیایه یؤ،،

پا گرد بی قهراریهیؤ

ویت تاق... نا .. گردیتا

ئهدات.. تاتهت...واڵیت... برات.

لوایدی کام شار... کام کهش

کام دهشت ... کام کو.. کام ههرد

گلهیهکام کوگه بهرو، ئی هاوارا ئؤ کی کهرو،

ئی گرد ژانو ئازارا چکو بنیؤره

ئی ههرساو ئی ههنسکا

چهنی کوڵیم که فره قورسا

چکو بنیؤره

ئی گردو کؤتو زنجیریه چکو بنیهوره

چکو.... چکوو...

ئهها .. زانوو

پهیمانمدان... ههزار پهیمان

ئاوهخته گیڵانێ لاتا

سهرو تروپکهو عهنهبی کونی...کچیو سهروبیاویڵهیؤ

ئهها .. مناریوی چهرمه ههن....نا... نا

چانا ملو ئؤلاتهر لا جهریڵهی گهرمو وهشا

نا... نا... چا نا... ملو سهرتهر پهی شنروی...فینک تهرا

نا...ئازیزم چاگهیچه نا

که ئیستیمؤ

ملمێ خزمهت دیوه چهرمهکهو ویما

گؤرهو بهسام

ئؤ لاو سهیدی

فره وهشکهلام

با ئاد واچو باوشهو توونهو شیرینینه بنیهوشاره.

با ئاد چرو احمهد موختار بهگو جافی

ئؤ موزهخانهو گؤرانی

سڵام ....سڵام

* * *

دنیا خاموش جواب نیا

گرکهس مدیو عهلهیک نیا

شار بیدهنگا راویهر نیا

سڵام ... دیسان سڵام

* * *

ئهری ئی سڵامه ئانه چی ههر نهسنیاوه

ئهری ئا کورپه لکانهنه ئا مهمهیه ئانه چی ههر نهکنیاو

ههر تیرنهبی

ئهری ئا چایه نهتاویاوه

ئا رادوینه ،ئا ریشچهرمه ههر واش مدو نهکوشیاوه

ئا هورینهو پیکابیه ههر مدو وهنه ئانه چی ههر نهکوشیاوه

ئهری ئا نانو سهرو ساجیه هورنهدریا

ئهری ئا بانگه ئا سهڵاته نهبریاوه

خو کهس نیا...هیچ دهنگ نیا

ئا ماموسا چا دهرسهنه مهزانوو چی ههر نهزیاره

ئا زاروڵی دلی خوڵی کهی هورزاوه...ئهری دیرا

فره فره دیرا

ئهری تاکهی... گهلؤ تاکهی

ئا ماشینه، ئا مهکینه عهنتهر 70 چی نهیاوا

ههر نهیاوا...

* * *

ئاخ چیش بیهن

چئ موزهخانه کوردیهنه چیش قومیان

چیش قومیان پیسه ورد ورد

گردو خهڵکیا جه گؤرهو وورد

گرد وتینی... تا نهفخی سوور هایش مهبوووه قؤمو کوردی

هورزدی.... مهوسدی

هورزدی دیرا قؤمو کوردی

ئانا چهخماخیوی روشن دانش مهژگو جوانو کوردی

لهقش کهردهن یاگی بتهو قهومو کوردی

* * *

ئیتر منیچ پهشیو اسا

تن تن چرو

پسه کهرهنای

ئهی قهڵهمه دهننووک سووره ئاتهشیهکهم....ئامان

پهلهکهره...وهخت نهمهنهن

هورزه فاره شیوه فکرو سهروهرو سهردارو کوردی

با سهربهرزبوو نهسڵو کوردی

خهمت نهبوو

هاوکارمانه شورهسوارو مهیدانو جهنگو کوردی

بهڵام داخ ....ههزار جار داخ

من چیشکهرو

ئینا وهرمهنه قؤمو کوردی

پی گردوئاخو داخاوه

من چیشکهرو کردگارو خواو کوردی

* * *

ههورامان عهبدولرهحمان

28/3/1999